الموضوع: يانوف
عرض مشاركة واحدة
قديم منذ /19-03-30, 08:55 PM   #1

 
الصورة الرمزية سعودالربيلي
مشرف قسم الترحيب والتهاني والهوايات والمواهب

سعودالربيلي غير متواجد حالياً

 رقم العضوية : 16
 تاريخ التسجيل : Aug 2011
 المشاركات : 3,995

Thumbs up يانوف

ياهاجسي عبر على صرح الأفكار
وابن البيوت الي جزيلاً عمدّها

هات المعاني ممتعه ..شوف الأنظار
متسلسلاتٍ .... ماتزلزل صمدّها

ناد المطر واستعذ بالذكر للمّار
واخلط مزونك برقها مع رعدها

ووصل لمن قفّا وقطّع للأخبار
ومن بعدهم عيني تزايد رمدّها

بنتٍ ما شابت لو تمادت بالأعمار
وبعيونها الكحلى مبيّن ثمدّها

افراشها زلن على .... بحور الاقدار
من ذكرها .. كلٍ بشعره حمدّها

مزيونةٍ ما طالها قاصر اشبار
لو مرّت العالم تضيّع رشدها

ياكثر من عنا لها وساق الأمهار
حتى تمنوا الموت للالي ولدّها

قالت لو اعطوني من اللولو انهار
العين تبغيكم ما تخلف وعدها

قلت أبشري والوعد من عهد الأحرار
الي لا قالوا ما تخون لعهدّها

ابوك باني دار في طارفه دار
للطيب والعزة مقوي عمدها

المجد والفزعات بدروبه اشعار
يا بخت لابه جاء بفعله سندّها

لا مر بالرديان ... ولوّه الأدبار
خوفٍ من فعول السنافي شهدها

في بيته دلال الوفا فاحت ابهار
ويا بخت ضيفانه وقومة سعدها

مجلس بربع الجود والعز معمار
رجال بالعزّة ما يحصى عددّها

ما غيّرت في طيبه. اسنين واعمار
لو جفت دياره ومدّت جردها

يبقى له الذكر المعطّر بالأقطار
وتبقين يا نوف الاصيله وحدها

عسى ديار ابوك تنعشها الأمطار
وتنثر يانوف بكل نبته بردّها

ومن الربيع الاخضر ونبت نوّار
يبقى الفرح بالنفس مجلي نكدّها

وان مت انا يانوف قدّمت الأعذار
صحتي هنا على ثرى من رقدّها

انا وفيت لكل حزة وتذكار
لو الليالي ما عطتنا رشدها

بس المهم احفظ لها عهد واسرار
لو نلتقي بجنان .. يدّي بيدها

واختامها يانوف مع حبر الأشعار
قصيدةٍ ما كل واحد نقدها

دفاتري لو هي عريضات واكبار
مليتها بدموع جرحٍ رصدها

وختامها يا نوف يا بنت الاحرار
ان جاتك همومك فانا اجز يدها

انا الوفي ألي بنا بيوت الاشعار
لاجل عيونك واحتضنها مهدها

سعود الربيلي


https://youtu.be/Aq9sXD1uzKc


الموضوع الأصلي: يانوف || الكاتب: سعودالربيلي || المصدر: منتدى قبيلة الربيلات

كلمات البحث





dhk,t








توقيع »
هذا الزمن يبغاله .. لسان دلاّل .. !
.... من يستحي هالوقت .. واعزتي له
وقتٍ به ( الراعي ) غدى .. راعي دلال
.... كلٍ على طاريه .. ينفض شليله ..!!
ومن كان ساسه للردى مضرب امثال
.. .. اليوم .. يحسب من كبار القبيله ..!!
اللهم ارحم ميتاً مازال بقلب حي
  رد مع اقتباس