سر ياقلم واكتب من القلب تعبير
وصل سلامي لابن عويدات وثنه
عطه الخبر وافي ومن دون تقصير
والا المعاني حالي هن يشرحنه
واليا مشينا يمهن حزة عصير
بين الوعر ومع مسربن يدرجنه
والله يالو لا ماتسوق المقادير
يادرب يمي لا حشا مايجنه
ولو القدر مكتوب ببيض الطباشير
عن يومهن لابد مايمسحنه
يالله عسى يمي تسوق التباشير
وابشر المحزم وشلفا نسنه
تارد على الماء ثم ترجع مضامير
جف الصفا والدرب يمي نصنه
ابطا الحيا واليوم صارن مداهير
جسم وعظم من غير مايكتسنه
نصبر يابوشادي عساها تياسير
عسى ليالي فرقت يجمعنه
كلمات الشاعر / سعود الربيلي
يامرحبا بك ياحفيد المناعير
يالي علومك كلوبها سمينه
أهلاً هلابك عد ماغرد الطير
واعداد من زار الحرم بالمدينه
خوتك يالخوه ترى عندنا غير
رفيقنا الي كلنا عارفينه
لك عندنا حشمه وشيمه وتقدير
لن الوفى من يمكم شايفينه
انشهد انه ماحصل منك تقصير
طيبك يابو حاتم ترى خابرينه
ون كنت مذهب كلبونا مداوير
نبغى الوناسه والوسم محترينه
نبي شهر كامل نسج المشاوير
على الذي بغلا الثمن مشترينه
مهمنا طيش الغلا والمخاسير
تفداك يراع العلوم الثمينه
لا اله الا الله محمد رسول الله سبحان الله وبحمده استغفره واتوب اليه
منذ /18-03-21, 03:55 PM
سر ياقلم / هذه القصيدة موجهه لشاعر/ دخيل الله رباح الربيلي
العرض العادي
