عزتي تفرض

عزتي تفرض

هاجسي غن الطواريق الجميله
قبل لا تقفي بها الشعار عنّي

اطرق بتعبيرك ابواب الجزيله
دامك الي مبدعن في كل فنّي..

دام انا شاعرك في الجزل وسبيله
وانثر الابداع في لطف وتأنّي

تبصم لوقفاتي افراد القبيله
مبدع وراعي وفا من صغر سنّي

حاولت بعض البشر كسب الطويله
مير ما كلن يبا ينول التمنّي..

ولاّ انا ما همني فرقا الحليله
ولا شغل بالي يلين احرقت بنّي.

همني تطييب الارواح النبيله
وابعد اقدامي عن دروب التدني

عزتي تفرض على النفس الاصيلة
وقفة النشمي.. ومحسن كل ظني

ماشي بدرب المواثيق العديله
ورافعن راسي بلا كبر وتجنّي

الكثيرة في حسب شوفي قليله
لين ما اصفّق على العليا واغنّي.

كلمات / سعود الربيلي

الموضوع الأصلي: عزتي تفرض || الكاتب: سعودالربيلي || المصدر: منتدى قبيلة الربيلات

www.alroubelat.com

كلمات البحث

المصدر: منتديات قبيلة الربيلات من عنزه الرسمية

---

u.jd jtvq