ودي تشوفي

ودي تشوفي

حبيبتي ودي تجيني وانا اجيك
وودي تشوفي وسط صدري مكانك!

القلب هايم بك .. وانا ميّتٍ فيك
ابي (شوية ) ... من غلاك وحنانك!

يغلا غلايه الاماني امانيك
وقلبي عن الحساد شالك وصانك !

اسعود طايح يالغظي بين اياديك
ظميه وهديله له وفاك وأمانك

الروح لو راحت ليا مر طاريك
اقول جتك الروح وانتي وشانك !

بدر الليالي.. غار من نور جفنيك
ونجوم هذا الكون تعشق مكانك !

ارضي لروحٍ همها كيف ترضيك
واوفي لقلبٍ ما حصل يوم خانك!

صوت العشق في وسط صدري يغنيك
ولحن الغلا ياخذ موسيقى كمانك!

في شط حبك رمل الاحلام يحكيك
وانا هنا ... باقي إليك وعشانك

احفظ عهودك واتسلّى بطواريك
وارسم لك البسمة وادور حنانك!

(لو طالت الايام ماني بناسيك )
وان تاهت دروبي مكاني مكانك!

كلمات / سعود الربيلي

الموضوع الأصلي: ودي تشوفي || الكاتب: سعودالربيلي || المصدر: منتدى قبيلة الربيلات

www.alroubelat.com

كلمات البحث

المصدر: منتديات قبيلة الربيلات من عنزه الرسمية

---

,]d ja,td