اللهم انا نسآلك العفو والعافية والمعافاة الدائمة في الدين والدنيا والاخرة اللهم واجعلنا من آهل النفوس الطاهرة والقلوب الشاكرة والوجوه المستبشرة الباسمة وارزقنا طيب المقام وحسن الختام كلمة الإدارة //

جميع مايطرح في المنتدى من مواضيع وردود تعبر عن كاتبها فقط,
صفحة الربيلات في اليوتيوب
عدد الضغطات : 1,924جوال الربيلات
عدد الضغطات : 1,798
مركز تحميل
عدد الضغطات : 1,489
تابعونا عبر تويتر تابعونا عبر فيس بوك

لا اله الا الله محمد رسول الله سبحان الله وبحمده استغفره واتوب اليه



إضافة رد
 
أدوات الموضوع انواع عرض الموضوع
قديم منذ /11-12-12, 12:24 AM   #1

سلطاااااان الريااااااض
موقوف

سلطاااااان الريااااااض غير متواجد حالياً

 رقم العضوية : 198
 تاريخ التسجيل : Oct 2011
 المشاركات : 58

افتراضي الملحمة الولدعيه لشاعر : فيصل التويجري

السلام عليكم ورحمة الله وبركاته



قبيلة الولادعه وكل قبايل عنزة ولله الحمد لها تاريخ مشرف بالعلوم الطيبة من غير قصور بالجميع

وهنا اقدم اقل ما يمكن ان يقال عن هذه القبيلة التي لا تكفيها الكتب والعذر عن التقصير مقدما


للاستماع


http://www.rofof.com/4hsvlt8/Waldali.html


الملحمة الولدعيه


يالله انا راجيـك عفـو ٍ وغفـران
عن الذنـوب وكـل ماكـان مايـل

الحمد لك ما هملعت غـر الامـزان
يالواحد المعبـود مـا لـك مثايـل

لي لابةٍ تاطـى علـى كـل ثعبـان
اهـل الفعـول الطيبـه والجمـايـل

تاريخ وامجـادٍ قديمـات الازمـان
ماهي هـروج ٍ جـت بليـا دلايـل

فزنا بها بالسيـف ومـزرج الـزان
ماجت عبث لاشـك جـت بالفعايـل

فوارس ٍ دجنـا بالاوطـان شجعـان
ماعاقنـا عمـا نـبـي أي حـايـل

حنا هـل الملحـا طليقيـن الايمـان
ولد علي مـن صفـوة اولاد وايـل

لابة ضنا مفرج فواريـس واعيـان
مقدامهـا الطيـار زبـن الدخـايـل

طالوا ونالـوا بالعـلا كـل نيشـان
جمع ٍ على رمز الفخـر دوم نايـل

مشادقـة وطلـوح للعـزه اخـوان
وجبّاره اللـي راسهـم دوم طايـل

ولابة ضنا ذري ٍ اذا ما اللغا شـان
تاطى حوافـر خيلهـم كـل عايـل

لهم براس العـز منـزل ومسكـان
مقدامها ابن سميـر حـام الدبايـل

نسل العطيفي والمشيطـي ودمجـان
قوم ٍ علـى روس العوالـي نزايـل

وعيـال حمـاد ٍ وسعيـن الاطعـان
يـرّون حـد الناحـلات الصقـايـل

قبس الوغى في يوم روغات الاذهان
يتلون الايـدا يـوم شـب الفتايـل

طوالعـه وعيـال سالـم وحمـدان
وعيـال رتـام ٍ رفـاع الفصـايـل

وبدوانـه وضميـن لا ثـار دخـان
عوق الضديد اللـي يكـن الدغايـل

ولادعه رامنا علـى كـل مـا بـان
نشوم عن وطي الدنـس والفشايـل

نرقى ولا نرضى يجي الراس منهان
الولدعي شامخ مـا هـو بمتمايـل

من خبير اليا نجد لا ضلع حـوران
ولد علي بانـوا علـى كـل طايـل

ومن الشمال ْلفوج الايـدا بنجـران
حنا حـرار ٍ مـا تصيـد الهزايـل

اهل الوفا والجود واهـل ٍ للاحسـان
نقـدم المعـروف لـو كـان طايـل

اهل الرباع اللي بها الجـود سكّـان
يلقى بها العانـي ليـا جـا مقايـل

زبن الدخيل وعز من بـات بلشـان
عقب الدهر يسكن وفيـر الخمايـل

على الخوي حنـا مزاهيـر بستـان
ريفٍ ظلاله فوق الاصحـاب مايـل

وعلى العدو سم ٍ ويفتـك بالابـدان
دم العدا مشـروب روس السلايـل

حريبنـا وقـت الملاقـاة خسـران
يجيه سيـل ٍ حـادر ٍ مـن مخايـل

اليا لكدنـا نـروي حـدود شامـان
من دم شجعـان ٍ عليـه امتسايـل

افعالنا ترجـح علـى كـل ميـزان
لنا بحـرب التـرك خيـر الدلايـل

لاجل الدخيل نقوم لو كان مـا كـان
"نرهن حدينا" لـو فقدنـا الوسايـل

فعل ٍ تغنوا به على العوص ركبـان
باخـوان عـذرا مزبنيـن الدخايـل

حنا خزمنا الفيـل لعيـون شيخـان
من دونهم وْقفوا شيـوخ الحمايـل

"يديان نعم الحـي لا قيـل يديـان"
اخـوان بقشـه طيبيـن العمـايـل

ولنا بدار الشـام مـن دور كنعـان
فعل ٍ ينومـس يـوم عـد الفعايـل

لاجل الحيا ننطح شغاميـم الاكـوان
دوس المخافه عـادة عيـال وايـل

خلف الصقور مشبعة كـل سرحـان
طيايـره فيـهـم تـعـد المثـايـل

ولادعـه مـن ضدنـا راح ندمـان
مركاضنـا فيـه الضحايـا نثـايـل

منا شيوخ ٍ رايهـم صلـب مـا لان
لا عمسـت الاريـا تفـك الحبايـل

منـا وفينـا بالمـلاقـاة فـرسـان
لا جا نهار الهوش وقـت الصمايـل

ابو عنزة منـا لـه الطيـب ديـدان
ريف عنزة يـوم السنيـن المحايـل

عبدالعزيز اللي لكـد للعـلا حصـان
جزيـل بالمـده كثيـر الفضـايـل

ومنا حكيم الراي والشـور فرحـان
يستاهل النامـوس واف الخصايـل

عقّب محمد راعي الفعـل والشـان
شيـخ ٍ فعولـه طيبـات وجـزايـل

وابن سميّر الشيخ بالبـر سلطـان
حط بقلـوب التـرك سـم وغلايـل

زبن طليب التـرك عـزه ولا هـان
حطه بفيـه عـن لهيـب القوايـل

وكنعان مخبـور الفعايـل كحيـلان
ياكم راس ٍ فـوق الامتـان شايـل

ان غطرف (الكافر*) على كف كنعان
هـذاك يـوم ٍ فيـه شـر وهوايـل

والشيخ صالح من صناديد شيخـان
ستر العـذارى منقضـات الجدايـل

شغمـوم صنديـد ٍ عديـم ٍ بليهـان
يشيل حمـل ٍ مـا تشيلـه رحايـل

ومنا عديم ينطـح الجمـع لا بـان
بـاروخ شـوق معربـات السلايـل

والشيخ هايس من صناديـد يديـان
والقرم فـارس درع دون الاصايـل

والواطي الشغموم والزحـل دوهـان
ومنـا الذهيـن المرتكـي للثقايـل

ومنا ابـن شـدادٍ وترثـة تليعـان
وابن كحيل اللـي يعشـق الطوايـل

وابن حييف يعد من روس دمجـان
واعد ابن جازي زبـون العضايـل

ومنا طريّح من ضنا القـرم حمـدان
واعد ابـن ناجـم كريـم السبايـل

ومنا الزناتي محمـد ٍ ولـد عثمـان
نسـل التواجـر طيبيـن الشمايـل

ومنا الضريغط راجح العقل مزبـان
محتار قد صكـت عليـه المسايـل

هذي مثايل باقـي ٍ شـي مـا بـان
والخافي اعظـم مـار جبنـا مثايـل

حنـا فعايلنـا كثيـرات وسـمـان
ما هيب تحصـى بالبيـوت القلايـل

الولدعي يفخر ليا قـال انـا فـلان
من طيب فعلـه والجـدود الاوايـل

يشهد لنا التاريخ مـا قلـت بهتـان
من هو بذر لابـد يجنـي حصايـل

ويلان رمز المجـد والعـز ويـلان
نتعب على كسـب الثنـا و النفايـل

من دور وايل يومها سنان وعنـان
لا دورنا الحالـي لنـا راس طايـل

عنوز خذنا الطيب مبـدا وعنـوان
ما فيه فرق ٍ فـي جميـع الحمايـل

ان جيـت للسلقـا شغاميـم ميـدان
حريبهـم ماهـو للامجـاد نـايـل

ونسل الجبل نعم ٍ صقور ٍ وحبـلان
مركاضهم مـن دم الاضـداد سايـل

واما محددة الجمـل شانهـم شـان
عن المعالـي مـا يبـون البدايـل

ونعم بهل الجدعا سلايـل سليمـان
رجالهـم بالطيـب صايـل وجايـل

واذكر هل الطولات والعـز فدعـان
فازوا بفعل الطيـب والشـك زايـل

ونعم بهل العرفـا زيازيـم الاكـوان
اهـل الفعـول متعبيـن الاصـايـل

ورويل عز بـذروة المجـد نيشـان
حمايـة العليـا سقـم كـل عايـل

واذكر منابهة ٍ على الضـد ضلعـان
مال الضديد بكسرهـم مـن وسايـل

والمحلف قـوم ٍ اذا مااللقـا حـان
اهل الظفر واهل السيـوف النحايـل

واذكر شراعبة ٍ لهـم راس مـا لان
قـوم ٍ منازلهـم علـى راس هايـل

قلته ولا قلته علـى غيـر برهـان
بلا قصـور ٍ فـي جميـع القبايـل

هـذا واصلـي عـد مـاهـل ودّان
على النبي ما ذْبحوا النـاس حايـل




اللهم صلي وسلم على نبينامحمد

* المقصود (بالكافر) هو : سيف الشيخ كنعان الطيار الله يرحمه الذي يسمى (كافر النفس)
وسلامتكم

الشاعر : فيصل عبدالرحمن التويجري



كلمات البحث





hglgplm hg,g]udi gahuv : tdwg hgj,d[vd








  رد مع اقتباس
قديم منذ /11-12-12, 04:05 AM   #2

ابو وسيم الربيلي
موقوف

ابو وسيم الربيلي غير متواجد حالياً

 رقم العضوية : 223
 تاريخ التسجيل : Dec 2011
 المشاركات : 64

افتراضي

ومنا ابـن شـدادٍ وترثـة تليعـان
وابن كحيل اللـي يعشـق الطوايـل

وابن حييف يعد من روس دمجـان
واعد ابن جازي زبـون العضايـل

ومنا طريّح من ضنا القـرم حمـدان
واعد ابـن ناجـم كريـم السبايـل



مشكوووووور اخي الكريم سلطان والله يعطيك الف عافيه







  رد مع اقتباس
قديم منذ /11-12-12, 08:39 AM   #3

ذيب الكربه
عضو مميز

ذيب الكربه غير متواجد حالياً

 رقم العضوية : 93
 تاريخ التسجيل : Sep 2011
 المشاركات : 497

افتراضي

سلطان الرياض

مشكوووووور والله يعطيك الف عافيه



اخوك ذيب الكربه








  رد مع اقتباس
قديم منذ /11-12-12, 10:48 AM   #4

عضو مميز

( عز الرفيق ) غير متواجد حالياً

 رقم العضوية : 117
 تاريخ التسجيل : Sep 2011
 المشاركات : 98

افتراضي

طوالعـه وعيـال سالـم وحمـدان
وعيـال رتـام ٍ رفـاع الفصـايـل

وبدوانـه وضميـن لا ثـار دخـان
عوق الضديد اللـي يكـن الدغايـل

ومنا طريّح من ضنا القـرم حمـدان
واعد ابـن ناجـم كريـم السبايـل

صح لسان الشاعر و يعطيك العافية يا سلطان الرياض ما قصرت هذي العلوم اللي ترفع الرأس








  رد مع اقتباس
قديم منذ /11-12-12, 05:20 PM   #5

سلطاااااان الريااااااض
موقوف

سلطاااااان الريااااااض غير متواجد حالياً

 رقم العضوية : 198
 تاريخ التسجيل : Oct 2011
 المشاركات : 58

افتراضي

أخي وابن عمي الغالي : *-* ابو وسيم الربيلي *-*مرورك تراه هو وسام على صدري وشرف لي








  رد مع اقتباس
قديم منذ /11-12-12, 05:41 PM   #6

مشرف

ابوسلطان الربيلي غير متواجد حالياً

 رقم العضوية : 55
 تاريخ التسجيل : Sep 2011
 المشاركات : 124

Post السلام عليكم

بسم الله الرحمن الرحيم


الأخ العزيز/ سلطاااان الرياااااض...

السلام عليكم ورحمة الله وبركاته

,,,صح السانك والسان الشاعر فيصل التويجري,,,
,,,وبيض الله وجهك على النقل المميز,,,
,,,وبيض الله وجه الشاعر فيصل على هذه الأبيات الرئعه,,,
,,,أنت مبدع فلا تحرمنا من أبداعتك,,,

وفي الختام تقبل مروري

ودمتم سالمين







توقيع »
{ الوايلي بيته على العز بانيه }
  رد مع اقتباس
قديم منذ /11-12-13, 12:27 PM   #7

سلطاااااان الريااااااض
موقوف

سلطاااااان الريااااااض غير متواجد حالياً

 رقم العضوية : 198
 تاريخ التسجيل : Oct 2011
 المشاركات : 58

افتراضي

اقتباس:
المشاركة الأصلية كتبت بواسطة ذيب الكربه مشاهدة المشاركة
سلطان الرياض

مشكوووووور والله يعطيك الف عافيه



اخوك ذيب الكربه

أخي وابن عمي الغالي *-*ذيب الكربه*-*مرورك تراه هو وسام على صدري وشرف لي







  رد مع اقتباس
قديم منذ /11-12-13, 12:35 PM   #8

سلطاااااان الريااااااض
موقوف

سلطاااااان الريااااااض غير متواجد حالياً

 رقم العضوية : 198
 تاريخ التسجيل : Oct 2011
 المشاركات : 58

افتراضي

أخي وابن عمي الغالي *-*عز الرفيق *-*مرورك تراه هو وسام على صدري وشرف لي
بس تراك اخترت ثلاث ابيات واقتبستها بردك وحطيتها تحت بعض وهذا خطأ لأنك كذا تخرب ترتيب الابيات وهذا يعتبر اشبه بالتحريف بالأبيات انا عارف انها بدون قصد بس للفايدة








  رد مع اقتباس
قديم منذ /11-12-13, 12:55 PM   #9

 
الصورة الرمزية ســـــاهـر
عضو مميز

ســـــاهـر غير متواجد حالياً

 رقم العضوية : 57
 تاريخ التسجيل : Sep 2011
 المشاركات : 280

افتراضي

بسم الله الرحمن الرحيم


الأخ العزيز/ سلطاااان الرياااااض...

صح السانك والسان الشاعر فيصل التويجري







  رد مع اقتباس
قديم منذ /11-12-14, 04:19 PM   #10

سلطاااااان الريااااااض
موقوف

سلطاااااان الريااااااض غير متواجد حالياً

 رقم العضوية : 198
 تاريخ التسجيل : Oct 2011
 المشاركات : 58

افتراضي

أخي وابن عمي الغالي *-* ساهر*-*مرورك تراه هو وسام على صدري وشرف لي








  رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



RSS RSS 2.0 XML MAP HTML

الساعة الآن 08:37 PM


Powered by vBulletin™ Version 3.8.7
Copyright © 2019 vBulletin Solutions, Inc. All rights reserved. منتديات
Ads Management Version 3.0.1 by Saeed Al-Atwi